 |
|
|
|
|
Truubefasnacht 2010 |
|
|
|
|
|
|
|
|
Oliphonie in 5 Akten |
|
|
1 Gooooool !
Halt doch de Latz- Du Dubbel das isch doch es foul gsii !
hesch du es Brett vor em Grind - oder bisch blind!
Cha nüd defür – mir isch es scho ganz übel
will alli Spieler irgendwie so gschreiflet sind
S’wärs öppe besser wemmer bi de Mätschli
vom HC Thurgau nume d’Hälfti würdi gseeh
aber so wörtlich hät’sches doch denn, liebe Curau
jetzt würkli au wieder nid müesse nee. |
|
2 Zwicky
Letschti seit mi Maa e well öppis go chaufe
er gäng uf Wigoltinge het er zu mir gseit –
nei nid is Outletzenter – det sind’s no am rauffe-
er gäng zum Klopfestei in Zwicky ganz alei.
Los Schatz, ich bi glii zrugg , hol schomol d‘Kamasutra
Du wirsch scho gseh – du chasch nid wiederstoh
Und Tatsach noch zwei Stund stoht vor minere Türe
e fremde Maa – und ich hanen ineloh ! Hmmmm……
Hirseöl vom Zwicky trifft des Pudels Kern –
und au mi Ma ihr werded‘s gseh het Hirse gern
Er trinkt statt Kafi- Flüssighirse usem Thurgau
und säged ehrlich-gfallt er Eu es so nid au?? Danke Zwicky-Chlopfi!! |
|
3 Samariter Blues
Lüt das isch de Samariter Blues- Losed zue es got nid lang
Mächtig stolz und gross gseht er jo uuuuus
isch biologisch abbaubar au.
Sama-sama-sama-sama-ritter
sama-sama-sama-gschüttlet- esone grosse Fahne ganz allei für Euch- NEI-
Sone Fahne das isch allerha-and- e sone Fahne willi au-
sone Fahne- wenns regnet wird er nass- und stell der vor -was bedüüütet das ? Häää ???
Fahne-Fahne-Fahne-Fahne-Träger
Tuesch mir leid ohje herjeger - bi jedem offizielle Streich en Chrampf im Arm…
düdüdjdüüdüdü……….
das isch de Samariter Blues…… |
|
4 De Nochber
Wenn des morgens früh um viere die Sonne aufgeht
der Oberbürgermeister verschämt im Feld ussen steht
wissen wir er meint‘s nur gut mit dir und mir
Checkt zu Sicherheit mal das Revier.
Gang rüef de Schlaue gang rüef de Gschiide
sie söllid all sam sie söllid all sam
ganz rüef de Guete gang rüef de Nochber
sie söllid all sam i d’Schwiz inecho !
Ghörsch de Donnergroll vom Dütsche- „das ist unerhört“
Dass me sie nid zersch mal frogt „ das ist was uns stört“
Solche Center sind des Teufels Werk ja Werk
Ausser – sie stehen auf deutschem Boden und nahe an der Grenze-
weil das ja die Freundschaft stärkt !!
Gang rüef de Clevere gang rüef de Gschiide
sie söllid all sam sie söllid all sam
ganz rüef de Guete gang rüef de Nochber
sie söllid all sam i d’Schwiz inecho
Wenn die Bagger dann zum Spatenstich alle auffahrn
freuen wir uns – endlich geht’s auch im Thurgau voran
freuen wir uns z’früe - das war ja abzusehn - ja sehn
denn wen sehen wir zuvorderst stehn??
Gang rüef de fliessige- gang rüef de gschiide
sie söllid all sam sie söllid all sam
ganz rüef de Beschte - gang rüef de Dütsche
sie söllid all sam i d’Schwiz inecho !
Wir Eidgenossen müssen uns nun schon was überlegen!
Und uns einfach wieder es bitzeli mehr Mühe geben!
Beim Jassplausch mit em Reto holt sich- dank deutschem Fleiss-
eine BERLINERIN den ersten Preis !!! DA GOHT DOCH NÖD !!!!
|
|
5 SIMIDIDICARLO
Und zum Schluss noch dies: ( melodie GIGI vo Arosa)
Das isch de Simmi us em Toggi, kei Ma im Ort wo ehrewort so höch cha flüüge
Simmi us em Toggi, das isch fürwar so wunderbar-bi verliebt – ich cha nid lüüge !
und zeigsch Du mir denn dini süesse Zähn - säg ich zu dir -Simi – ich ha di gääääähn.!
und de DIDI us em Welschland – isch so scharmant und so rasant- ich ha so Anscht gha!!
sone schöne Kerli- wo farsch au hi- das gschesch doch ii- das isch doch gfäärlii!!
Morn luegem tüf i’d Auge- ehrewort - ich weiss zwar meischtens renned d’Manne fort-
und erst de Carlo vo Cologna- das isch e Maa- ich hol mis türschte O colonga
Carlo worum laufsch au- so lang und wiit - es git doch hüt – Taxi - Auto oder ÖV !
Säg bisch no ledig- hesch dis Herz no frei- das wär doch schön im Schnee mir Dir allei
Jajaja- Simmi- Didi- Carlo - lalalalalalaallalalalalalal-…..-.-.-……
Simididicarlo – D’Rettig für d’Schwiiz –so öppis gits- s’dumm schnorre het jetzt nolo…..
llllalalalalala |
|
|
|
|
Dä Röbi |
|
|
|
|
|
|
|
|
|
|
|
Dr Schwob |
|
|
Vergange is doch wiedermal ein Jahr
seit ich bei euch im Traube war!
Wiederum hab ich die Ehr,
euch zu erzähle, manches hier! |
|
Der echte Service auf des Marktes Platz,
war rot, und gar nicht für die Katz,
Bedarf ist wahrlich nicht umstritte,
Ordnung muss sei, in Dorfes Mitte!
So kann man fröhlich uriniere,
wenn nötig gar auf allen viere,
muss nicht nach alle Seite schaue,
ob eine kuckt, von diese Fraue!
Die Esther meint im Frühling ganz bescheide,
nun hätte Schnitzelbänkler was zu schreibe,
schreibt aber selber, im Frühling wie im Herbst,
n’e halbe Seit von, für d’ Region, im Ernst! |
|
Wandern, wandern, kein Freud, kein Lust,
besonders wenn de angezoge laufe musst,
mit Kind und Kegel, Sack und Pack,
geniess es doch, die Sonn, die lacht!
Doch einigen ist’s halt nicht genug,
sie tragen nicht’s mehr, höchstens noch nen Hut!
Die Sonn könnt sonst ihr Hirn verbrenne, leider,
dann wären’s plötzlich wieder froh um Kleider!
Die Appenzeller, an der Landsgemeinde, rufe laut und schrei’n,
so was bei uns, das darf nicht sein!
Die Leut, die wer’n gebüsst mit 2 x 100 Franke,
so kommen’s hoffentlich auf andere Gedanke? |
|
Fröhliche Jugend ist doch längst verpönt,
sogar im Gerbergässli laut es tönt,
die junge Leute lärme halt, o Schreck,
rauche, spucke und mache erst noch Dreck!
So wurd berate, von Morge früh bis Abends spät,
was man am beste wohl dagege tät,
Pferdeäpfel auf dem Mäuerchen platziere lasse,
wir lasse doch mit uns nicht spasse!
Nun ist es kalt, der Rossmist längst verdorrt,
im Frühling, Geraniengärtner freuen sich vor Ort,
der alte Mist im Austausch abzugebe wär,
gegen neue, warme Pferdeäpfel, welche Mär. |
|
Fenster ware dreckig und verschmiert,
das haben Leut im Migros wohl kapiert,
da man die Fenster wohl nicht öffne kann,
musst’ ein grosses G’schirr heran.
So kam’s dann, wie es komme muss,
die Putzer ware voll im Schuss,
der Kran stürzt um und in’s Verderbe,
ein riesen Chaos, überall nur Scherbe!
Manch einer macht ein blöd Gesicht,
Als er erfährt von der Geschicht,
nicht jeder Bode is halt stark genug,
wenn man zuviel belaste tut! |
|
Deutschland hat den Freistaat Bayern schon,
im Thurgau denkt einer glatt an Selbstaat Avalon,
sei Schloss am See is wohl zu klein,
will er drum weg aus Salenstein?
Hell begeistert ist man schon in Müllheim,
sein Modelhof wird erst der Anfang sein.
Man kukt und rätselt rundherum,
Gibt das wohl ein Fürstentum?
Silbermünzen, mit seinem Kopf er präge will,
ne Post mit eignem Stempel wär doch in,
Sondermarken wäre auch zu habe schnell,
Ein dreifach Hoch, dem erste Fürste Daniel. |
|
Flurnamen, Mundart sind heut gross im Kurs,
die einen freut’s, die andre denke, welch ein Furz,
der GPS find’t dann gar nix mehr,
ja woher nimmt er die Date her?
Was kann man da dagege mache,
ihr liebe Leut, s’ist nicht zum Lache,
Kulturgut muss man schützenswert erhalte,
nicht bloss die Junge, auch die Alte!
Pflegt doch die alte Name weiter,
verbiete wäre auch nicht g’scheiter,
doch denkt daran, wo Not am Mann,
die jetz’ge Schreibweis, helfe kann!
Kaspar Schläpfer, Volkswirtschaftsdirektor,
kommt sich wohl ziemlich überrumpelt vor,
die ganze Sach is nicht in meinem Sinn,
so wenig wie ich doch der Kasperle bin! |
|
Nu kurz was andres,
Wir ham die Kavallerie und Ihr seid die Indianer!
Liebe Leut, begrüsse Sie mit mir, euern tapfern
Häuptling kleiner Vogel mit seiner charmanten Squaw!
Wie Winnetou bist überall dabei, bei Spatenstiche, bei der Bezirskaufteilungsfeete auf dem Nolle, beim Pensionskassekuche zum verteile, Hauptsach Du bekommst Dein Anteil und kommst erst noch in der Zeitung, gar mit Bild, drum is die Sach nur halb so wild!
In der Regierung, habe Fraue überall das Sage, wir habe unsre Angi 4 Merkel, schon seit Jahre, das schöne, rote Kostüm is ihr auf de Leib geschnitte, kei Angst, drei Knöpf, die halte sie zusamme in der Mitte. Nu isse schon 5 Jahr im Amt, wird langsam alt, schwarzgelb schon im Gesicht, gestützt vom liebe Westerwelle, auf Schweizer Banke CD’s ganz verückt!
Nu nicht gelacht, ihr habt’s nich besser, drei Fraue habe doch bei Euch das Sage, die Doris mit die Kullerauge, die Erika, jugendliche Oma aus St.Galle und Pascal aus dem Aargau ganz bescheide, ihr seid trotz allem zu beneide! |
|
Noch was andres, wir hatte Vogelgripp, wir hatte Schweinegripp,
nu soll auch noch die Porzellangripp ausgebroche sei, wolle die schon wieder ein Medikament verkaufe?
In mein Alter bekam ich’s natürlich mit der Angst zu tun und
suchte sofort Onkel Doctor auf. Must aber im Wartezimmer eine Weil noch warte. Lauschte natürlich zwei Fraue zu, die sich lautstark über Männer beklagte. Warum biste du hier fragt die Eine. Na ja, sie müsst zum Schwangerschaftstest. Da sagt die andre, sin die Frage schwer? Dann holt mich der Doctor, ich erzählt ihm von der Porzelangripp. Da hat er mich sofort aufgeklärt und beruhigt: Männer seie nicht betroffe, die hätte genug Tasse im Schrank! |
|
Pauschale Steuern, an die 5 Millione Franke,
wer macht sich da schon gross Gedanke,
so viel Kohle ist doch überall willkomme,
da fragt man nicht, woher sie komme.
Herr Eckel, das ist nicht geloge,
hat GC’s Tschutter schon mal über’n Tisch gezoge,
im Thurgau scheint’s auch gut zu laufe,
als Hassan Husseins Bruder kann man C-Ausweise kaufe!
Doch plötzlich halt der Kerl gestorbe war,
Frau Maier schwafelt von einem Autounfall gar,
nach 14 Tage ist er plötzlich wieder munte,
Hochstapler tauche öfte auf, mal unte! |
|
100 Jahre und kein bisschen leise,
feiert der Damenchor auf seine Weise,
gar nicht alle Frauen war’n so alt, o nein,
sie zeigten keck wohl Brust und Bein!
So manche Operettemelodie ist wohl erklunge,
mit Inbrunst lauschte die Alte wie die Junge,
von Liebe, Sehnsucht und von Schmerz,
den Männern wurd’so richtig warm ums Herz.
Sie sange von Weib, Weiber und auch Weibern,
vor lauter Sehnsucht konnt’ sich mancher steigern,
die Rosi, hat auch sie begeistert und betört,
wie sich’s bei solchem Ausschnitt auch gehört!
So ging vorbei ein tolles, grosses Fest,
wer wollte da schon früh in’s Nest,
vor Freude, denkt man gern zurück,
und wünscht dem Damenchor viel Glück. |
|
Die grosse Angst vor’m Minarett,
lockt an Kantonsrat auf’s Tapet,
nimmt an Auto, rüstet ganz gescheit es um,
und fährt damit in Frauenfeld herum.
Lautsprecher, auf dem Dache wohl montiert,
verkünden super schlau und motiviert,
den Gebetsruf eines Muezzins erhabe,
vom Internet wohl runter g’lade!
Nu wird er wohl noch Ehremuezzin,vasteste,
doch wo herunter ruft er wohl Gebete?
Kein Minarett wohl weit und breit,
ihr liebe Leut, war das denn g’scheit?
Gebis Kamin wär noch’ne Lösung, 6
bräucht nur’nen Balkon obe rum,
so könnt’er, von dort obe, ganz bescheide
mit de Kircheglocke um die Wette schreie! |
|
Ihr liebe Leut, ich ruf Euch zu,
Ab sofort hab ihr vor mir Ruh,
I muss jetz ham und sing mit Euch
Das alte Lied, ihr wisst’s sogleich:
Im Truube is was los, im Truube.
Und dann die Hände, zum Himmel,
Truubefasnacht 2010, Erich Keller |
|
|
|
|
AbXang in fis-Moll |
|
|
Dem Fescht ein Lied,
dem Lied ein Fescht.
Jetzt stand i doo und mach Protescht
I reklamier als letzte Rescht
vom sgf 08. s hät gheisse
Me wölli alli use-schmeisse,
s OK sei ufglöst – hols de Gugger
wie im Kafi Schnaps de Zugger,
uusgsoffe sei de Ehrewy,
mit Reisli seis jetzt au verbii.
De planet Uusflug uf Sing-Sing,
gäng jetzt halt nüme ase ring.
I söttig schwere Augeblicke
will ich mich nöd is Schicksal schicke,
Im Narregwändli samt Grawatte
getrau mi nomoll us em Schatte
vom Riedxang-Baum bim BBZ….
Und wils en Huufe umehät,
bring ich im vertaute Huus
Schnitzelbänkler-Gheimnis uus.
Und wils letzscht Johr ase schö gsii isch
bitt ich zum Aafang um euen Xang
Schneewissi Rabe
und rabeschwarze Schnee
han i miner Läbtig
no gar niene gseh! |
|
Wie n Ehr jo sicher gläse händ,
hät am letzschte Wochenend
z Sanggalle a de Feriemess
zur Freud vo Publikum und Press
ein mit me lange Tauchversuech
de Iitrag gschafft is Guinessbuech.
19 Minute ohni Schnuufe….
All ander wööred glatt versuufe.
Iischnuufe – presse – joo nöd hächle.
Die Üebig loht mi liisli lächle.
Drum sei am Rand au d Frög erlaubt:
Wa söll draa neu sii überhaupt?
S isch doch scho öppe ein verschwunde,
dä händs sit Johre nüme gfunde.
Wa aber neu i d Mode chunnt:
Au d Fraue gönd in Undergrund.
Eis Biispiel freut mi unumwunde:
Pfrau Bärlocher hät eres Bäreloch gfunde,
De Felsecheller isch wieder läbig.
Da freut natürli di gsamt Umgäbig
Und alli säged, wie daa mües e Gfell si
dass d Elsi verchündt hett, ab sofort well sie
statt Pier use z loh für d Lüt i dem felsi-
ge Cheller Wii verchaufe us de Umgebig.
Au eren Brauer Gäbi –finds gäbig.
Alli wo Dorscht hend, händ s sicher verstande,
Im Brandfall töör me im Bäreloch lande.
Elei de Gedanke macht üüs scho glückli.
Mer akzeptiered au chlineri Schlückli
und danked de Elsi för eren Trooscht.
Proscht! |
|
A mengem Ort sieht d Kasse bös us
Drum isch me froh um jede Krösus.
Erschint en Chronprinz ohni Chrone
wie ne Gschenk i üsne Zone,
seit, wenn me ihn do läsi wohne
so wöör sich daa för alli lohne,
wil me s Portmenee chönnt schone,
findt au de Koch: Potz Millione,
so Gschenk muesch eifach billige,
en Ufenthalt bewillige
för so ein, ohni länger zprüefe
dankbar Salem-aleikum rüefe.
Zu dem Fall wär jetzt no z betone
Au menger GC-Sportskanone
fallt kein Zacke us de Chrone
wenn wäge wiitre Millione
de Hard-Turm wie ne Minarett
wör lüüchte und me öppis hett…
Ein vo Sadam Husseins Junge
hät i höchschte Töne gsunge,
Anerchennig sich errunge.
Sini Uuftritt sind em glunge.
Mit Wüeschtesand am wisse Gwand
erschint das Ekel chorzerhand
als Oberscheich im Schwizerland.
Fascht alli rüefed Judi-hudi,
Nu eini findt, die wiisse Röck
kenn sie, sitdem de Bruno Höck
a Pfasnacht sei als Hadschi Ludi! |
|
Früener hät me i de suure
Gurkeziit jewiils vo Puure
prichtet ghaa, wo Wasseruhre
sammled oder denn vo stuure
Böck, wo würed schnell versuure.
Jetzt tüend andri Theme luure,
sie errichted neui Muure,
wo chöned Woche überduure…
Säg au, wie saasch du üsne Flure?
d Uno schickt e Schar Augure,
wo tarnet z Mammere tuet kure
und bim Pouletfrass im „Schiff“
un-uffällig all Begriff
sofort notiert. De Bank-Immun
loht verluute, dass er stuun.
Isch ächt en Blauhelm-Isatz nötig?
s Volk tuet ase huere brötig.
s Flurnamensbuech vom Kiffenegger
goht zimmli allne uf de Wegger.
D Flurgauer Ziitig triibt da Spieli
als Selbstzweck-Lesegäg e Wiili.
I Schläpfers Chasperli-Theater
lauft scho de Film „Der grosse Kater“.
De Grossrot Hermann Dreierlei
findt, dass en Vorstoss nötig sei,
es gelti beides: Pflicht und Kür;
de Rotschopf Schlür sei au defür,
dass me doo degege sei.
Wie heisst scho wieder die Partei?
Mich loht die Namesgebig chüehl,
Ich schnore und ich schriib noch Gfüehl.
I mag nöd lang dranume schruube.
I schriib zwor "Trauben",
aber mein de "Truube". |
|
Wyfälde isch zur Stadt aagwachse:
10'000 Schnäuz - drüü Totzed Maxe.
und trotz dem Maxe-Maximum
isch jede Max en Unikum.
Luut Twixtel isch vo dere Schar
de oberscht Mäxel no Notar,
und isch er flügend underwäggs
get er sich uus als Flät-Rät-Mäx,
wo jeder, die vorüber eilt
e Hampfle Schöggeli verteilt.
Öb Vögeli, öb Iseli:
I ha kei Maxe-Kriseli...
Si händ mi au nie Närve gchost
bis letzschte Mittwoch, wo per Poscht
d Mitteilig chunnt, d Olivia
fang öppis mit me Mäxel aa.
Es heb sie eim i d Arme tribe.
Sogär de Jürg heb underschribe.
Moralisch gege jedes Gschleick,
denk ich als Stammgast gad a Streik:
Muen ich tatsächlich d Freud am Truube
wäg so me Fötzel abeschruube?
Ich säges luut – ich säges tütsch:
wenn ich de Saucheib je vertwütsch,
getts eis an Grind, da ich doch klar.
Chomm zom Duell, Max Haverlaar! |
|
Wale, du bisch nöd zum zale,
gäll, Wale, machsch üs doch en Gfalle.
Jung und aktiv – im beschte Alter,
Mer bruuched dich als Sitzerhalter.
Du stammisch us me rechte Stamm,
bisch anerchannt und do dehamm.
Dich hätt me doch als chliine Schreier
us em Schilf im Bommer Weiher
wie de Moses usezoge.
Wer wötts denn au mit Der verchoge?
Du häsch als chliine Schiisser zNacht
Dis Gschäftli in en Jack-Pot gmacht.
En iiwandfreie Mustergoof!
Dass dini Welt de Cholehof
hüt no isch genau wie gester
isch de Ziitigsschwöster Esther
zimmli gliich. Sie schwärmt för dii
seisch wie en junge Kennedy…
Die Frau chunnt wörkli nöd ganz druus.
Vom Cholehof zum Wiisse Huus
gits en Huufe graui Zone.
Wör ächt en Farbvergliich sich lohne?
Dini Wahl bewiists, gäll, Wale,
du häsch wörkli vile gfalle,
aber doch nöd alle, Wale,
Zwölf händ – dich sölls nöd wiiters quäle –
Der Harry Hasler wele wähle. |
|
Wa hät dä Murer jetzt uf s Mol?
Jetzt reist dä mit me Totempfohl
uf Kanada is Schwizer Lager.
Noch mengem Schlag emoll en Schlager,
e starchs Symbol für d’Indianer.
Wenn erscht no uus-chunnt, dass de Planer
vo dem Gschenk de Steinbrück gsii isch,
wil dä Mais no nöd verbii isch,
hämmer bald scho s nöchst Problem;
s bliibt denn wiiter uu-aagnehm.
Wo de Ueli anegoht
und näb dem Totempfohl zuestoht,
rüeft eine us em letzte Glied:
„Bitte – lächle, Sämi Schmid,
susch gsien i gär kein Underschied“…
Jo, Himmelstärnestrohlnomol:
Au farbig bliibt en Pfohl en Pfohl!
Sprachspiel aus der Vancouver-Fankurve
Ammann am Anfang
und jetzt noch das:
Alle die, die je"Allez, Didier"
geschrieen oder geschrieben haben, müssen nun erklären,wen sie damit meinten: Cuche oder süsch Defago De facto |
|
s Schwoobeländli liit üs nööch,
immer wieder chunnts is Gsprööch.
Us em chliine Grenzverchehr
züched meer so mengi Lehr.
Tralala-tralla, tralala-tralla -
Aber d Stimmig macht en Chehr.
Jetzt wönds vo Konstanz und vo Singe
üs säge,wa meer z Wigoltinge -
(da isch dei, wo a de Ortsiigäng allpott Warntafle stönd: Achtung Gemeindeammannwechsel)
Nomoll:
Jetzt wönds vo Konstanz und vo Singe
üs säge, wa meer z Wigoltinge
(s wird jo wörkli immer tschenter)
z tue händ wäg dem Outlet-Center.
De OB Frank meint frank und frei
Dass er bestimmt e Recht druff hei,
de Grossruum Schwoobemeer z bekrittle.
Jetzt fählt halt dää, wo chönnt vermittle,
dää, wo als Jakobiner immer
im Schmutzig-Dunschtig-Fasnachtsglimmer
uf Konstanz gange isch go spotte.
Die europäisch Narreflotte
hät vill uf sini Meinig ghaa,
En spoote Dank, Ernst Mühlemaa.
Meer Schwiizer müend da anderscht aagoh
Im Chlii-Venedig hänsle: „Lago!
Ihr ständed bald scho i de Chriide,
wöred meer Kontakt vermiide.
Mer chönntets scho ufs üsserst triibe.
"Schwabenweg" i zwei Wort schriibe
Da hett a üser Landesgrenze
Bedenkeds aber – Konsequenze.
So wäred elei i de Evangelische Landeschirche vom Kanton Thurgau uf ein Chlapf 30 vo 82 Pfarrstelle nüme bsetzt.
Und s wär, weiss Gott, doch ewig schad, wenn üsen liebe Kamerad, de Schwoob, de Truube-Fasnachtsobed müesst i de Empfangsstell Chrüüzlinge verbringe.
Hand ufs Herz: So chas nöd wiitersgoh.
D Grenzwert sind überschritte, de Wert vo de Grenze uusgfranslet. Zu de Ozonbelaschtig ane chunnt jetzt no die tigg Luft mit dene Nochbere. Bahnet sich, trotz de direkte Bahnlinie i d Konzilstadt, en zweite Schwobechrieg aal? Ei Schlacht bi Schwaderloh sött doch eifach lange.
Jetzt müemer noch ere diplomatische Lösig sueche. Noch em sensationelle Erfolg als Jutzeler schicked mer d Annegret Scherrer verchleidet als tapferes Thurgauer Mädchen zu Verhandlige mit em Guido Westerwelle uf Berlin. A erni Siite stelled mer de Thomas Götz als Näppi-Gnäppi. Oder holt er üüs ehnder als Kantonsrot Schnider us em Schnider?
Wildhaus, 20. Horner 2010 fis |
|
|
|
|
ToberdörflerKulturBanause |
|
|
Üsi chliini Schtadt
Es isch jo weltbekannt, syt eme Johr hette mer eigetli gnueg Lüt für e Stadt, müend und wönd das aber nöd. De Gmeindsmax seit:
Mir sind es Dorf mit schtädtischer Infrastruktur und wönd das au blybe, no lang.
S Gmeindsvögeli söll no lang es stolzes Dorfvögeli törfe sy und nid als unbedütends Stadtvögeli ime grosse Vogelschwarm müese umeflüüge.
Die hoffetlich uu-langi Uebergangsphase törf emer aber nöd verschloofe. Mir müend a de städtische Infrustruktur zügig wyterboue, au a üsem Dorf-Füerigsteam – nid mit em Gmeindroot z’verwächsle
So werded mir halt für Dorffüerige zum Begriff Stadtfüerer müese ändere, vorläufig nu intern. Die Umstellig törf aber natürlich möglichscht nüt choschte. Me isch drum uf d’Idee cho, d’Schtroossereinigung mit de Stadtfüerig zemezlege. Da büted sich drum aa, will bedi Team jo vo ihrer Tätigkeit her alles gsehnd und fascht alles wüssed, was im Dorf passiert.
Es bruucht halt no e gwüssi Wyterbildig. Uf de Siite vom Reinigungsteam chunnt das grad glege. Die gwerkschaftlich Forderig noch Wyterbildig für ali mues irgendwie erfüllt werde. D’Umbildig vo Bese uf Laubblöser isch mit hör- und schmöckbarem Erfolg jo scho wytgehend abgschlosse.
E spezielli Useforderig für d’Neukonzeption wär denn no d’Frauequete. Bim Füerigsteam isch grad jetzt grossi Vorarbet gleischted worde mit em Projekt für Dorffüerige uf Frauespuure,
nu giits hingege glaub no keini wyblichi Laub-Blöser. |
|
Stadtfüerig quer dur Torfschtroosse,
i alphabetischer Reihefolg,
Streets of Winefelden |
|
Amriswilerstrooss
Do dure gohts eifach uf Ammerschwil, wo eigetli au es Dorf isch, sich aber us irgendwelne Gründ anders entschiede het. |
|
Bankschtrooss, früener Fröschegass
Gwüssi Kursverluscht hend do halt scho stattgfunde:
Bankaktie sind gfalle, Polizei isch uus- und TZ-Regionalredakzion iizoge und au im ehemalige Tierlihuus wird hüt uusschliesslich für s Figura-Wohl vo de Fraue gsorged.
Will d’Banke hüt bigoscht au nüme sind wa früener,
de Name Bankschtrooss würd ganz gwüss vermisse niemer,
Di alti Fröschgasstafle söt me ufehieve:
würd super passe zur TZ-Froschperschpektive. |
|
Brauereisschtrooss
….es gibt kein Bier auf Hawai, es gibt kein Bier …..mehr |
|
Burgschtrooss
Do wohnt de Nochfolger vom Narrekönig Ulrich em Erschte vo 1775, halt nöd im Schloss, nu a de Burgschtrooss. Er sorgt all Johr grad selber für Fasnachtschtoff für Pfärslibrünzler.
S eint mol findt er kein Saal für de Maskeball, s ander mol het er chuum Publikum, will grad alli i de Schiisportferie sind. Das hätt au sis Gueti: Wenig Lüt gäbed au wenig Problem und Ufäll.
Als Lehr do druus söt me vilicht sich überlege
in warme Summer s ganzi Schiischportgschäft z’verlege.
Det häts chuum Schnee und au kei superschnelli Pischte,
so chönnt me s’Beibruchgschäft grad au no überlischte. |
|
Fohleweidweg
Bezeichnig Weg isch do natürli scho nümeneso aktuell. Mit em Ritterhöfler-Tuuschhandel-Gschäft mit grosse Laschtwäge (Chies gege Verpflägig, Transportspese nid z’vergesse) mue da scho ender Schtrooss heisse. Bi dere Glägeheit chennt me jo grad uf «neui Bornhuuserschtrooss» umstele. Das chennt me doch als chliine choschtegünschtige Gmeindsbonus für das neui Ross- und Ritteretablissement uusrichte. |
|
Frauefelderschtrooss oder Hauptgass
Do gäb’s sinngemäss s gliichi zäge wie zu de Fröschegass, es schtändigs Läde uf und Läde zue. – Top aktuell: Im Felsechëller heisst’s hüt Obig: Gedrückte Tasten – gehobene Stimmung. Grad näbedraa ab hüt im TCS: Gedrückte Gaspedale – gehobene Risikofreude! |
|
Friedhofschtrooss
Gmeint isch nid die vo Bürgle, mit sebere sölled sich di dörtige Böögge befasse. Bi üüs isch en allfälligs diesbezüglichs Problem für Schüeler und Lehrer wo täglich müend do dure laufe vil eifacher und nochhaltig zuekunftgrichtet glöst worde.
Zwüsched Chirche zum Friedhof, das isch doch kein Gruus,
de Doppel-Turnhall’chäller gseht würkli guet uus.
De Blick de drin aabe gwöhnt eim doch bimeid
as tüüferliegend Wohne_i_dë E_ewigkeit. |
|
Gerbergässli
E düschteri Geged, wo bösne Buebe ihres Unwese mit Rossbolle uustribe wird. Erscht wenn d’ Rossbole lang gnueg ligge bliebed, chömmer’s dänn umgschuelet wegbloose, will mer jo kei Bese me hönd. Bis dënn schmöckt’s – um nid säge schtinkt’s – drum do halt recht höllisch, fascht tüüflisch - noch em Höörelimaa, wie d’Glarner säged. |
|
Hohlweg
Luut em Hermann Lei selig - em Vatter vom mittlere Hermann und Grossvatter vom rechtS usse schtriitbare Hermännli – isch do vor langer Zyt wohrschiinli de einzigi und direktischti Weg noch Konschtanz dure gange. Hüt isch au dä Weg asphaltiert und drum im Winter nu no mit vill vill Salz einigermasse gangbar. |
|
Im Roos
E zur Bauzyt no TK-bankwürdigi Alternative für de alti e bitzli aarüchigi Schalmisweg. Im gratis-gääle Telifon-Verzeichnis schtoht zwor Im Ross, werum weiss me nöd. Vilicht i weiser Voruussicht zur bankgschponserete Verwirrig vo de germanische Bank-Date-Kavallerie.
Uf hoche Ross chömed geldgierigi Germane,
Si jaged wirr dur’s Dorf, wüssed nid gnau wo ane.
Im Roos do sötted si Diskette goge chlaue,
dass Roos au Ross chönnt heisse, merked’s nöd - die Schlaue. |
|
Konschtanzerschtrooss
Das wär jetzt die superneui, aber nid es so direkti Verbindig zur Weltstadt am Schwobemeer – wo s’Angscht hend vor de Wigoltinger-Eidgenosse. Si chönd sich ebe no guet a d’Schlacht bi Schwaderloh erinnere. |
|
Maierainschtroos
Leider eibahnig worde, aber so halt em Ruhebedürfnis vo do aaghüft residierende würdeträgende freigsinnte Aawohner grecht werdend. |
|
Märtplatz
Üse neu alt Messeplatz, für alli Messe vo Wyfelde: Die wo’s scho immer geh hät, wo’s nüme gyt, wo’s neu geh hät und au die wo’s jetz glych nöd gyt. Dä Ort, wo immer wieder grossartigi au nationali Sache stattfinded; susch meischtens unbeläbt ruehig - nöd immer…
Bim Musikfëscht hät do z’vill gschwätzt de Schnörri-Reto
und als Schlaraffia-Moderator macht er’s au so:
Als Dessert zu me Schtar-Choch-GalaEsse gyt’s -
di schlimmschti Radio-Plaudertäsche vo de Schwyz. |
|
Nollenschtrasse
Müest noch iischlegige Vorschrifte und em mundartlich-behördliche Schproochgebruuch grecht werdend eigetli Noläschtrooss heisse. Das wär a dere Schtell aber vermuetli politisch z’unergibig, au für d’Fröschgass-Nochrichteagentur FNA i de suure Gurkezyt. |
|
Rathuusschtrooss und Truubeplatz
Ur- und früezytlich wahnsinnig ergibig und für en rechte Wyfelder nu mit entsprechende Ehrfurcht z betrete. Mit Ehrfurcht söll me au de aaliegendi Truube beachte und betrete und benütze. Mit e bitzeli Glück cha me do inne au meh oder weniger schöni Tön vo eim vo de hiesige Mannerchör gnüüsse.
Üsi Chör und mir Sänger die hends scho recht schwer
mir finded_chuum meh Nochwuchs, das isch e kei Mär.
Do helfed kei Pillenund kein Sänger-Verband,
Doch nämed mir das locker - werded alt mitenand. |
|
|
Scherbehofweg mit em Ruggegatter (en Art Schtadttor us em Mittelalter) |
|
Schtorcheschtrooss
Wo s Dörflein traut zu Ende geht
wo s Mühlenrad am Bach sich dreht
ës Schtorche-Beizli hät’s det ghaa,
doch jetz_isch’s leider nüme doo.
Dahin, dahin verlangt mein Sehnen,
Ich denke dein gar oft mit Tränen,
Mein Schtorchenbeizli, lieb und tra-aut
Das ich so lang nicht mehr geschaut.
aber wer weiss - wer weiss ……
jo – jo pazienza - pazienza |
|
Tellschtrooss
Do fehlt doch de Winkelried! Das sind no Zyte gsy, di alte Eidgenosse i de Uurkantön und im Toggeburg, die Ur-Chrischtoffel und Ur-Töneli … |
|
Thurbergstrasse
Richtigerwys müesst me’s jo ebe mit Ä schrybe, wär aber schints gschäftsschädigend, meined die deet obe. Das TZ-Summerloch-Thema hömmer jo scho bi de Noläschtrooss behandlet. Lömmer’s. |
|
Winkelgässli
Da hät aber äbe de Winkelried au nöd gwohnt, es hät do schiints au kei Winkeladvokate oder anderi winkelschiefi Etablissements, a dere zuenemend beschte Wohnlag |
|
Zelglischtroos und Zeltweg
Do het’s zwohr weder en Camping- no en Zeltplatz. Aber det müemer vilicht glii als Fahrendi üsi Zelt ufschloh, damit mer nöcher bim kümftige Gschäfts-, Dorf- und Schtadtlebe sind….
….
und deet chömmer dänn ali mitenand us Überzügig singe:
A-- huga haga huga - A huga haga huga - A huga - a haga - a huga….
Aaaa… huga haga huga,
Im Dorf sind d'Affe los.
Drum müe mir jetz do use zieh
im Zentrum wird’s üs z’eng.
A huga haga huga,
S isch eigetli no glatt:
Mir mached’s wie di grosse Gschäft,
tüend flüchte us de Schtadt.
Aaaa-- huga haga huga - A huga haga huga - A huga - a haga - a huga … |
|
|
|
|
m&m's |
|
|
Zum Glück für üs das d'Oli gitt
So g'höred er hüt dä neuschti Hit
Als m&m's fein usäbützlet
Händ mir für eu no Färsli brünzlet
Wenn's di truckt und das vilicht bim Poschte
Sicher isch, du häsch halt doch z'vill gsoffe
Denn seit dir d'Heidi s'gitt nüt me z'motze
Ab uf's Toi Toi döt chasch jetz go Chotze. |
|
Lang hät mä gmeint im letschte spote Härbscht
Uf em Schuelhusplatz do gäbs endlich äs Fäscht
Es Zelt händ's baue hoch wie Strosselaterne
Glaub s'Wasser im Brunne hät nöd nass törfe wärde
Wenn z'Wiifälde im Rot wötsch mitdiskutiere
Bis joh nöd z'fuhl jetz muesch d'Büecher studiere
Ob eifach froge oder mozioniere
dä Sax hilft uf d'Sprüng bim petitioniere. |
|
Uf dä Wält, i dä Schwiiz au i üsem Kanton
Suecht mä profilaktisch ganz fescht noch Symtom
Was bliebt vo däre Gripp, das isch dä Clou
Ä paar millione Tamiflou
S's-g-f 08 isch scho lang verbii
Das isch jetzt alte Kafi gsii
Nu zwei glaubet's nöd si bliibed am Ball
Vogt und Sax hoffed uf dä nöchschti Fall |
|
Vom Ussland chunt einiges uf üs zue
Türm zum Schreie, und en Ekel dä zue
Bi dä Türm seisch gschieder nüt sus häsch verlore
Dä Ekel haut nur s'Amt über d'Ohre
Im Härze vom Thurgau en Fläcke zum liebe
Sid neuschtem ä Stadt, da tüemer negiere
Bis jetzt seit mä Gmeindrot für die wo regiered
Gönd joh nöd i d'Hauptstadt go d'Löhn korrigiere |
|
Nu eis hät die Stadt jetz nüme im Griff
Dä Johrmarkt isch uf em sinkende Schiff
Mir hoffed, s'isch ernscht, dass das nöd passiert
Dass am Reinhard und Arni dä Job wäg rasiert
Für beidi g'Söff brucht's en guete Cheller
S'eint vo dä Wiipuure s'ander machsch sälber
Da vo dä Puure da tüend's üs bringe
D'Elsi und dä Gebi meint, so isch es doch ringer. |
|
Sie händ's no gschafft dä listämpel z'baue.
Dä Curau hät au gar nüt graue.
Wohrschinli mues dä Hasler Vale
Die nöchsti Halle mit Spendegelder zale.
Trurig isch dä Ablick, dä ganzi Advent
20 Cherzli dra g'hänkt, wo öppe eis brennt
Dä Storze bim Rothus Gmeind hät en tüür kauft
En Chrischtbaum so türr, dä hät i nöd emol klaut. |
|
Jetz gäbs vom König Max no eine
En cheibe choge lange Reime
Vielicht git's nöchscht Johr denn grad zwei
Für üs isch gnueg, jetz gömmer hei
m&m's 2010 |
|
|
|
|
abs: Salz & Pfeffer |
|
|
Eis vo dene Johr isch ume
wo sich gar nüt hät bewegt
nid di Gschiide, nid di Tumme
sich nid emol äs Lüftli regt
Schuel und Politik sind öde
i de Chirche isch es still
für ä Versli isch da blöde
nume d'Bagger töned schrill
Ruhe sanft du stiller Flecken
hast als Dörfli nicht schockiert
nimm es hin ganz ohne Schrecken
bist zur Stadt nun erst mutiert |
|
S'letschti Johr im Früelig, d'Fasnacht isch grad ersch emol verbii
stellets uf äm Märkplatz öppis wunder bsundrigs eifach hii
d'Schnitzelbänkler sind ganz truurig, s'beschti Süschet isch chli z'spot
doch au da Johr wird drus nüt well s'Süschet nümme ume stoht
Das bsundrig Dings do uf äm Märktplatz
hat Vieles wohl erlebt.
Kein Wunder dass es plubbert, kein Wunder, dass es bebt.
Das roti Hüüsli uf em Märktplatz
sah Angst und Pein und Not
es wartet jeden Abend aufs neue Morgenrot |
|
En jede macht sin Garte gschnell so nebedher als Hobby
Mir Gartezwerge sind verruckt mir bruuched etz ä Lobby
Mit üüsrer grosse Bsuecherzahl erwarted mir me Gunscht
lönd üüs doch üüses Areal dänn gsehts do us noch Kunscht
Jahr-i jahr-uus simmir jo do erfahred us dä Press
die vo Wyfelde welled dänn kei Huus- und Gartemess |
|
Mir fahred mit dä SBB durs ganzi Schwiizerland.
dä ÖV, dä isch ideal und büüted immer Hand
Noch Züri, Wil und Amriswil hesch öppe mol Verbindig
Noch Oscht und Wescht, fasch jedes Ziel im Süüde wirsch au fündig
Äs Aagebot isch würkli gross do chasch grad eifach wähle
ob Zug, ob Zügli, s'isch famos die Uuswahl tuet üüs quäle
Mobility und Postauto doch dänn isch eifach Schluss
üsi Stadt isch eifach z'chlii für än Autobus |
|
Gosch eimol anen HC-Match muesch i d'Gütti lauffe
döt findisch sicher no än Platz äs Billet muesch no chauffe
dänn gosch durs s'Chrüüz, herrjeminee, do bisch jo fasch eleige
wett's würkli niemer susch no gsee dä Platz tönts dir dänn zeige.
Villicht gsesch uf das Hockeyfeld dä Curau meint nu frech
öb dä Pögg gsesch oder nid da isch dis eige Pech |
|
Seit über hundert Jahren
sind sie schon ein Verein
und viele hundert Leute
die konnten Mitglied sein.
Ein Fähnli gibt's schon lange
bescheiden und sehr klein
zum hundertsten Geburtstag
muss eine Neue sein.
Wir ziehn von Fest zu Feste
mit unserm schönen Bus
und über uns die Fahne
sie flattert, weil sie muss.
Stef Jünger, voller Freude,
nimmt d'Fahnestange vor
zu gross, zu schwer, überladen
dasch glaub ä Eigetor. |
|
Do im Thurgau git's ä Kaff
ringsum stuunsch und bisch au paff
Wise grüen und voller Chlee
jedi Planig – ä Furzidee
Dä Thurnheer dä isch unbequem
de Aldi aber nid genehm
alles andri isch nid besser
laufsch dä Schwoobe voll is Messer
Pro Natura isch au froh
dänn da goht doch nid eso
meint dä Bürgermeischter Frank
Lago mio – da isch doch chrank |
|
Da Ämtli hani gar nid gsuecht doch 's hät mi zum Glück gfunde
bi kain Baron, doch König gsi und wohn im Dörfli unne
Do chömeds vorbii vo dä Partei. He, Dieter, glaubsch äs kaum
noch Schport und Schuel und Politik erfüll der doch en Traum
Die Alte vo dä CVP en jede dich doch kennt
die bittet dich, mach du für üüs dä Schwiizer Präsident |
|
Gäll, es isch doch fertig?
Gäll, es isch verbii?
Gäll, es isch doch (fertig)
Luschtig gsii
Jo, es isch doch fertig
jo, es isch verbii
jo, es isch doch (fertig)
luschtig gsii
Doch, es goht no wiiter
bisch du dänn debii
Doch, es goht no wiiter
Mues dänn das sii
Wa, es goht no wiiter
klar, bin ich debii
Wa, es goht no wiiter
Jo, da mue sii
Alli Chör am singe
alli Chör sind froh
alli Chör am springe
so oder so
Nu dä Markus wot no
gnüsse sini Gäscht
nu dä Markus wot no
nomol ä Fescht |
|
Chomm mir zelled d'Lüüt im Saal
ich glaub, da git ä stattlichi Zahl
Du zellsch do und ich döt änne
di Wache und au die wo penne
und Jupedidi und Zötteli draa
alli fiired Fasnacht daa
und Jupedidi und Zötteli draa
40 mal Frau und 40 mal Maa
D'Kinderparty vo de Heidi
a dä Bsuecherzahle leidi
d'Gmeind, die stopped bald mol s'Gäld
händs ächt würkli richtig zellt?
Und Jupedidi s'isch Fasnachtsziit
Im Truube isch än grosse Run
und Jupedidi äs isch dä Hit
au s'nöggscht Johr Midnight-Fun |
|
|
|
|
|
|
|
|
|
|
D' Alliglattohre |
|
|
Mir zwei sind d Alliglattohre
Tüend dä Glatt noo üsi Pflicht:
Mir beobachtet eu alli
Und kened drum fascht jedi Gschicht
Di beschte müemer jetzt verzele
Will sone Schnore hebt nöd dicht.
D Glatt, die flüsst i eui Thur,
da wüssed ihr jo sicher au.
Mir chönd eu d Schwiizer-Charte zeichne
vo Delemont bis Diepoldsau.
Nur öppis wött üs nöd in Grind:
Wa söll da mit dem "Süd-Thurgau"? |
|
's Läbe isch so ungerecht.
Mer zwei fühled üs so chli,
ungliebt als Alliglatohre,
z'underscht i de Hirarchie.
Mer wönd au wie d'Sau und d'Vögel,
e ganz en eigni Pandemie.
Playboy, Schlüsselloch und Penthouse,
die sind scho lang nüme dä Renner
's nackti Wandere im Alpstei
isch doch würkli nur für Penner.
So richtig geil isch's nume z'Chlote.
Dötte händs en super Scanner. |
|
Konrad, Trube, Kantonalbank
Gisin, Wega und Migros
Felsecheller, Hirsche-Metzg
Tabak Werner, Plättli-Zoo –
hütt Obig sind mir beidi chäuflich
Do chönt ihri Werbig stoh
Wär de Berlusconi echt,
hett er längschtens scho e Glatze.
Wär de Berlusconi treu,
hett er nöd eso vil Chatze.
Und hett de alt Ma nöd zwei Gsichter,
wör em niemert eis vechratze. |
|
D'Jasmin Hutter isch jetzt Mueter,
Mueter vom e chline Sohn.
Nei nöd Toni und nöd Ueli,
eren Sohn heisst eifach Jon.
Da git Zuevesicht und Hoffnig,
's seg vo dene zwei kein Klon.
Minarett-Stopp und Bankgheimnis
S'Usland cha üs nöd verstoh.
D'Schwiz wert gmide, gstroft und usgrenzt,
isch vo allne Fründ veloh.
Nume d’Spanier sind üs dankbar:
A dä WM chönds üs schloh! |
|
FC Gossau gege Thun,
's Resultat isch null zu zwo.
I dem Wettspiel wert alls geh,
all sind nudelfertig - no,
de Gossau-Golie hät's Wettspiel
schinbar allzu wörtlich gno.
D'Stimmig do, die isch de Wahn.
alles schunkelt, alles sauft.
Bald scho stönd er uf de Tisch.
will z'Flowil endlich öpis lauft.
Doch da alles macht üs skeptisch.
Er sind sicher alli kauft. |
|
Sport isch üses grösste Hobby
uf em Sofa vor dä Chiste.
D Olympiade isch ä Fäscht
uf Schanze, Loipe und uf Pischte.
Da im Gägesatz zum Sägle –
da chratzt höchstens no d Juriste.
Für en Suntigsschuss vom Jäger
gits is Rehbockmul es Chris.
Für e Staatsaleihe gits
immerhin e bitzli Zis.
Und für öberhaupt gar nünt
git's de Friedensnobelpris. |
|
D'Linda Fäh isch hübsch und gschid,
d'Welt isch gross und chugelrund.
Griecheland isch schö und pleite.
Bluemchöhl isch guet und gsund.
Hollywood isch grell und bunt,
de Didi Burkhalter isch "und".
Dä Ueli chauft jetzt doch kei Flugzüüg.
Dä Moritz hät dä "Blick" ab-bstellt.
D Evelin chündt tüüre Lüüt
und hät au d Heizig abegstellt.
Da nur will dä Merz ne gseit hät,
er heg ghört jede Rappe zellt! |
|
D Berner händ en neue Grabe
D Genfer vorm Gaddhafi Schiss
D Appezeller händ dä Merz
D Thurgauer en Öpfel-Miss
D Basler händ di schönsti Fasnacht
D Zürcher händ im Dach en Riss.
Wir zwei sind extrem weltoffe,
sind nicht emol geg die Tütsche
Bim Lästern, dass so vil i d'Schwiz chönd
wirst uns beide nie verwütsche.
Wir sind sogar vehement
geg's rassistisch Eier-Tütsche. |
|
Wa-ta schi-wa ana ta
Ba sgi des Tokyo mas
Campai Hara-Kiri ku
Kamikaze Auto/Bas
Da en Hiiwiis vo Toyota.
Churz gseit: Passed uf bim Gas!
Zum Schluss verchaufed mir no CD’s.
I glaub do wär en guete Ort.
En Exemplar chost hundert Franke.
Und wenn jetzt ein vo Wucher schnorrt,
no en Tipp vom Schnitze-Banking:
Druff häts Date anstatt Wort. |
|
See you later alligator
In a while crocodile.
See you later alligator
In a while crocodile.
Also sali zäme ciao.
Mer hoffet s’nöchscht Johr chönd er au. |
|
|
|
|
|
|
|
|
|
|
|
|
|
|
|
|
